Rusiya hakerləri NATO-nun hərbi marşrutlarını izləyən kameraları sındırıb
Rusiya ilə əlaqəli hakerlərin Ukraynaya silah tədarükünü izləmək məqsədilə NATO-nun hərbi marşrutları boyunca yerləşən müşahidə kameralarına kiberhücum həyata keçirib.
Crossmedia.az xəbər verir ki, "The Telegraph" bu barədə Niderland kəşfiyyatının məlumatına istinadən yazıb.
Məlumata görə, araşdırma zamanı hərbi marşrutlarda quraşdırılmış çoxsaylı videomüşahidə kameralarının lazımi səviyyədə qorunmadığı müəyyən edilib. Bildirilib ki, cihazların əksəriyyətində standart parollardan istifadə olunub və bu da onların sındırılmasını asanlaşdırıb.
Nəşrin yazdığına görə, hakerlər bu kameralardan Ukraynaya göndərilən silah və hərbi texnikanın hərəkətini izləmək üçün istifadə etməyə çalışıblar.
Niderland kəşfiyyatı hadisə ilə bağlı araşdırmaların davam etdiyini bildirib.
10:17 11.07.2026
Oxunuş sayı: 65
