Ukrayna yeni pul əskinasları ilə tarixi mesaj verir
Ukrayna Milli Bankı nominal dəyəri 2000 qrivna olan yeni əskinasın buraxılacağını elan edib.
Crossmedia.az bu barədə xarici mediaya istinadən xəbər verir.
Bildirilir ki, əskinasın 4 sentyabr 2026-cı il tarixindən rəsmi olaraq dövriyyəyə buraxılması planlaşdırılır.
Məlumata görə, bu tarix təsadüfi seçilməyib və tarixi əhəmiyyət daşıyır. Belə ki, 4 sentyabr 1965-ci ildə Unudulmuş əcdadların kölgələri filminin premyerası zamanı Vasıl Stus, İvan Dzüba və Vyaçeslav Çernovol Ukrayna mədəniyyət xadimlərinə qarşı repressiyalara etiraz edərək açıq çıxış etmişdilər. Bu hadisə Sovet İttifaqında bu cür ilk açıq etiraz aksiyalarından biri hesab olunur.
20:16 10.07.2026
Oxunuş sayı: 62
