Peskov: ABŞ sülh prosesinə sadiqliyini qoruyur
Kreml ABŞ-nin Ukrayna ilə bağlı sülh prosesinə töhfə vermək cəhdlərini davam etdirdiyini bəyan edib.
Crossmedia.az xəbər verir ki, bu barədə Rusiya Prezidentinin mətbuat katibi Dmitri Peskov brifinqdə bildirib.
Peskovun sözlərinə görə, ABŞ Prezidenti Donald Tramp və dövlət katibi Marko Rubionun Ankarada keçirilən NATO sammiti çərçivəsində verdiyi açıqlamalara baxmayaraq, Vaşinqton münaqişənin sülh yolu ilə həllinə dəstəyini saxlayır.
"Bu münaqişədə iştirak edən digər ölkələrdən fərqli olaraq, ABŞ sülh prosesinə töhfə vermək cəhdlərini və bu istiqamətdə sadiqliyini qoruyur", – deyə Kreml sözçüsü bildirib.
Bununla yanaşı, Peskov qeyd edib ki, Rusiya ilə ABŞ arasında bəzi məsələlər üzrə fikir ayrılıqları qalmaqdadır.
14:06 09.07.2026
Oxunuş sayı: 57
