Azərbaycan Respublikası Elm və Təhsil Nazirliyi Canlı Sistemlərin Tədqiqi İnstitutu PHŞ-da müşavirə keçirilib
Oktyabrın 22-də “A.Abbaszadə küç. 115, döngə 1128, 504-cü məhəllə” ünvanı üzrə (Azərbaycan Respublikası Elm və Təhsil Nazirliyi Canlı Sistemlərin Tədqiqi İnstitutu PHŞ) ərazi partiya təşkilatında Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı nitqindən irəli gələn məsələlərlə bağlı müşavirə keçirilib.
Crossmedia.az xəbər verir ki, müşavirədə YAP Yasamal rayon təşkilatının sədri Bəxtiyar Nəbiyev, AR ETN Canlı Sistemlərin Tədqiqi İnstitutu PHŞ-nin direktor vəzifəsini müvəqqəti icra edən İradə Xəlilova, YAP Yasamal rayon təşkilatının əməkdaşları və ərazi partiya təşkilatının üzvləri iştirak ediblər.
Müşavirə Azərbaycan xalqının Ümummilli Lideri Heydər Əliyevin və Azərbaycanın müstəqilliyi, ərazi bütövlüyü və suverenliyi uğrunda canından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb. Ardınca Azərbaycan Respublikasının Dövlət Himni səsləndirilib.
Müşavirədə çıxış edən AR ETN Canlı Sistemlərin Tədqiqi İnstitutu PHŞ-nin direktor vəzifəsini müvəqqəti icra edən İradə Xəlilova tədbir iştirakçılarını salamlayaraq elmi-tədqiqat müəssisəsində keçirilən bu görüşün elmi və ideoloji baxımdan müstəsna əhəmiyyət daşıdığını vurğulayıb. İ.Xəlilova diqqətə çatdırıb ki, Yeni Azərbaycan Partiyasının VIII Qurultayı ölkəmizin gələcək tərəqqisini şərtləndirən strateji proqram xarakteri daşıyır. Dövlət başçısı cənab İlham Əliyevin qurultaydakı dərin məzmunlu nitqi biologiya, molekulyar elmlər və canlı sistemlərin tədqiqi sahəsində innovativ araşdırmaların aparılması, gənc elmi kadrların yetişdirilməsi və elmin istehsalatla inteqrasiyası baxımından mühüm vəzifələr müəyyənləşdirib. O qeyd edib ki, institutun elmi-tədqiqat heyəti cənab Prezidentin rəhbərliyi ilə elmin inkişafı sahəsində həyata keçirilən dövlət siyasətinə hər zaman dəstək verir və partiya ideallarının təbliğində, eləcə də ölkəmizin biologiya elminin beynəlxalq aləmə inteqrasiyasında fəal iştirak edəcəkdir.
Çıxış edən YAP Yasamal rayon təşkilatının sədri Bəxtiyar Nəbiyev Azərbaycan Respublikasının Prezidenti, Yeni Azərbaycan Partiyasının sədri cənab İlham Əliyevin YAP-ın VIII Qurultayındakı tarixi və konseptual nitqinin ideoloji-siyasi mahiyyəti, müasir elm sahələrinin dövlətçilik maraqlarına xidmət etməsi və elmi-tədqiqat müəssisələrində fəaliyyət göstərən ərazi partiya təşkilatlarının qarşısında duran mühüm vəzifələr barədə geniş, ətraflı məruzə ilə çıxış edib. Bəxtiyar Nəbiyev bildirib ki, Ümummilli Lider Heydər Əliyevin banisi olduğu Yeni Azərbaycan Partiyası yarandığı gündən ölkəmizin siyasi sabitliyinin, iqtisadi müstəqilliyinin və intellektual tərəqqisinin əsas dayağı olmuşdur. Ulu Öndərin zəngin dövlətçilik xəttini uzaqgörənliklə davam etdirən cənab Prezident İlham Əliyevin rəhbərliyi ilə Azərbaycan Müzəffər Zəfərə imza ataraq ərazi bütövlüyünü və suverenliyini tam bərpa etmişdir. Qazanılan bu tarixi qələbələr partiyamızın yürütdüyü ardıcıl siyasi kursun, yüksək elmi-sənaye potensialının və sarsılmaz xalq-iqtidar birliyinin parlaq nümayişidir. B.Nəbiyev xüsusi olaraq diqqətə çatdırıb ki, VIII Qurultayda qəbul edilmiş qərarlar və partiya sədrinin irəli sürdüyü prioritetlər elmi-tədqiqat ocaqlarında fəaliyyət göstərən ərazi partiya təşkilatlarının işində keyfiyyətcə yeni mərhələ açmışdır. XXI əsrdə biologiya elmi, genetik tədqiqatlar, biotexnologiya və canlı sistemlərin öyrənilməsi həm əhalinin ərzaq və bioloji təhlükəsizliyi, həm də tibb və kənd təsərrüfatının inkişafı üçün həyati əhəmiyyət kəsb edir. Alim və tədqiqatçılarımız elmi nailiyyətləri ilə ölkə iqtisadiyyatına töhfə verməklə yanaşı, cəmiyyətdə dövlətçilik təfəkkürünün, vətənpərvərlik ruhunun və partiya ideallarının təbliğində də fəal mövqe nümayiş etdirməlidirlər.
Çıxış edən “A.Abbaszadə küç. 115, döngə 1128, 504-cü məhəllə” ünvanı üzrə ərazi partiya təşkilatının sədri Hafiz Muxtarov ərazi təşkilatının fəaliyyət istiqamətləri, elmi kollektivin ictimai-siyasi fəallığı və gənc tədqiqatçıların partiya sıralarına inteqrasiyası barədə məlumat verib. H.Muxtarov vurğulayıb ki, cənab Prezident İlham Əliyevin rəhbərliyi ilə ölkəmizdə elmin inkişafına, elmi laboratoriyaların modernləşdirilməsinə gösterilən diqqət və qayğı hər bir alimi daha həvəslə çalışmağa sövq edir. O, ərazi partiya təşkilatının YAP-ın VIII Qurultayından irəli gələn tapşırıqları gündəlik elmi və ictimai fəaliyyətdə rəhbər tutacağını və partiya ideyalarının yayılmasında ön sıralarda olacağını bəyan edib.
Müşavirənin sonunda Yeni Azərbaycan Partiyasının Himni səsləndirilib və xatirə şəkli çəkdirilib.
15:00 22.10.2026
Oxunuş sayı: 81
