Qırğızıstan yanacaq böhranı ilə əlaqədar Azərbaycandan dəstək istədi
Qırğızıstan yanacaq təchizatında yaranan problemlərin aradan qaldırılması üçün Azərbaycan da daxil olmaqla bir sıra ölkələrdən dəstək istəyib.
Crossmedia.az xəbər verir ki, Qırğızıstan Nazirlər Kabineti bu barədə məlumat yayıb.
Məlumata görə, Bişkek hökuməti yanacaq təchizatının təmin edilməsi məqsədilə Qazaxıstan, Azərbaycan, Özbəkistan, Türkmənistan və Belarusa müraciət edib.
Bildirilib ki, Qırğızıstan hazırda istifadə etdiyi yanacağın təxminən 90 faizini Rusiyadan idxal edir. Bu asılılıq səbəbindən ölkədə yanacaq çatışmazlığı yaranıb.
Hökumət yanacaq təchizatının şaxələndirilməsi və mövcud qıtlığın aradan qaldırılması istiqamətində tərəfdaş ölkələrlə danışıqlar apardığını qeyd edib.
17:27 02.07.2026
Oxunuş sayı: 71