Xarici xəbərlər

İran XİN: Müharibə cinayətlərinin sənədləşdirilməsi davam edir

İran Xarici İşlər Nazirliyinin sözçüsü İsmayıl Bəqayi bildirib ki, müharibə cinayəti kimi qiymətləndirilən hadisələrin sənədləşdirilməsi prosesi davam etdirilir.

Crossmedia.az xəbər verir ki, o İran dövlət televiziyası SNN kanalına müsahibəsində qeyd edib ki, müharibənin ilk günündən etibarən toplanan materiallar Birləşmiş Millətlər Təşkilatı və Beynəlxalq Qızıl Xaç Komitəsi-yə təqdim olunub.

Bəqayi xüsusilə Minab bölgəsi ilə bağlı materialların da beynəlxalq qurumlara göndərildiyini bildirib. Onun sözlərinə görə, son 40 gün ərzində baş verən bütün hadisələr müharibə cinayəti kimi qiymətləndirilməlidir.

Rəsmi şəxs həmçinin vurğulayıb ki, münaqişənin başlanğıcı qanunsuz olduğuna görə müxtəlif hadisələr arasında hüquqi baxımdan fərq qoymaq mümkün deyil.

🖨 Çap et

18:57 07.06.2026

Oxunuş sayı: 53