Taliban qadınların geyiminə nəzarəti sərtləşdirib
Talibanın Yaxşılığa Çağırış və Pis İşlərdən Çəkindirmə Nazirliyinə bağlı əməkdaşların Herat şəhərinin sıx məskunlaşmış ərazilərində fəaliyyətlərini genişləndirdiyi bildirilir.
Crossmedia.az xarici KİV-ə istinadən xəbər verir.
Məlumatlara görə, Heratda bir neçə qadın ilə qız burka və baş örtüyü taxmadıqları səbəbilə saxlanılıb.
Bildirilir ki, onlar uzun və geniş geyimlərdə olsalar da, Talibanın müəyyən etdiyi geyim qaydalarına əməl etmədikləri əsas gətirilərək həbs ediliblər.
Hadisə yerli ictimaiyyət və sosial media istifadəçiləri tərəfindən tənqidlə qarşılanıb. Müşahidəçilər qeyd edirlər ki, Heratda qadınların geyimlərinə görə saxlanılması və məhkəmə qarşısına çıxarılması əvvəllər geniş yayılmış hal olmayıb.
Taliban son illərdə qadın və qızların ictimai həyatda iştirakına dair məhdudiyyətləri daha da sərtləşdirib. Onlar hesab edirlər ki, tətbiq olunan qaydalar ölkənin müxtəlif bölgələrində mövcud olan sosial və mədəni fərqləri nəzərə almır.
15:27 07.06.2026
Oxunuş sayı: 75
