Xarici xəbərlər

İranlı deputat: ABŞ ilə rəsmi atəşkəs razılaşması yoxdur

İran parlamentinin Milli Təhlükəsizlik və Xarici Siyasət Komissiyasının üzvü Vəhid Əhmədi ABŞ ilə hazırda rəsmi atəşkəs razılaşmasının mövcud olmadığını bildirib.

Crossmedia.az xəbər verir ki, o, “Fararu” xəbər saytına verdiyi müsahibədə vəziyyəti klassik atəşkəsdən daha çox “döyüşlərin dayandırılması” kimi qiymətləndirib.

Deputatın sözlərinə görə, Amerika Birləşmiş Ştatları tərəfi ilə formal razılaşma yoxdur və mövcud durum daha çox qeyri-rəsmi gərginliyin azalması mərhələsidir.

“ABŞ ilə atəşkəs razılaşmasının olmaması bir həqiqətdir. Əslində biz döyüşlərin dayandırılması ilə məşğuluq. Amerikalılar quruda müharibə üzrə məqsədlərinə çata bilməyiblər və indi dəniz blokadası ilə üzləşirlər”, – deyə o qeyd edib.

Əhmədi həmçinin İranın cənubunda son günlər baş verən hadisələrə toxunaraq ABŞ-nin İran qüvvələrinin hazırlıq səviyyəsini yoxlamağa çalışdığını iddia edib.

Hadisələrlə bağlı rəsmi təsdiqlər və ABŞ tərəfinin mövqeyi isə hələlik açıqlanmayıb.

🖨 Çap et

14:00 07.06.2026

Oxunuş sayı: 54