ABŞ NATO-dakı hərbi imkanlarını azaltmağı planlaşdırır
Donald Tramp administrasiyasının NATO çərçivəsində bəzi hərbi resurslarda dəyişikliklər etməyi nəzərdən keçirdiyi iddia olunur.
Crossmedia.az xəbər verir ki, "Die Welt" nəşrinin məlumatına görə, ABŞ NATO-ya təqdim etdiyi hərbi vasitələrin bir hissəsini azaltmaq niyyətindədir.
Söhbət F-16 qırıcıları, tanker təyyarələri, kəşfiyyat və hücum PUA-ları, eləcə də bəzi hərbi gəmilərin sayının azaldılmasından gedir.
Məlumata əsasən, Vaşinqton bu addımı Hind-Sakit okean regionuna daha çox fokuslanmaq strategiyası ilə əsaslandırır. Bu halda Avropa ölkələrinin itirilmiş imkanların bir hissəsini öz resursları ilə kompensasiya etməsi tələb oluna bilər.
Yekun qərarların bu yay NATO rəhbərliyi və müdafiə nazirlərinin görüşlərində müzakirə ediləcəyi bildirilir.
17:21 05.06.2026
Oxunuş sayı: 55
