“Putin–Tramp tuneli” layihəsi 2026-cı ilin sonunadək planlaşdırıla bilər
Rusiya Berinq boğazı altında “Putin–Tramp tuneli” adlandırılan layihənin layihələndirmə işlərini 2026-cı ilin sonunadək başa çatdırmağı planlaşdırır.
Crossmedia.az TASS-a istinadən xəbər verir ki, bu barədə Rusiya Prezidentinin xarici ölkələrlə investisiya-iqtisadi əməkdaşlıq üzrə xüsusi nümayəndəsi və RF İnvestisiya Fondunun rəhbəri Kirill Dmitriyev “Vesti”yə açıqlamasında bildirib.
Onun sözlərinə görə, layihənin tikintisi barədə qərar yalnız layihələndirmə mərhələsindən sonra veriləcək. Dmitriyev, həmçinin bu ideyanın tarixən dəfələrlə gündəmə gəldiyini, çar dövründən, Stalin və Xruşşov-Kennedi dövrünə qədər müxtəlif formalarda müzakirə olunduğunu qeyd edib.
Rusiya rəsmisi layihəyə hətta Çinin də qoşula biləcəyini istisna etməyib və bunun qitələri birləşdirən mühüm infrastruktur layihəsi ola biləcəyini vurğulayıb.
Dmitriyev layihənin iqtisadi əsaslandırılmasının hazırlandığını, müasir texnologiyalar sayəsində xərclərin əvvəlki dövrlərlə müqayisədə dəfələrlə azala biləcəyini bildirib. Onun sözlərinə görə, layihə yalnız iqtisadi cəhətdən səmərəli olduğu halda həyata keçiriləcək.
Qeyd edək ki, Sankt-Peterburq Beynəlxalq İqtisadi Forumu 3–6 iyun tarixlərində keçirilir. Forumun əsas mövzusu “Pragmatik dialoq – sabit gələcəyə yol” adlanır.
17:48 05.06.2026
Oxunuş sayı: 64
