Lavrov Paşinyanı Aİ məsələsində referendum keçirməyə çağırıb
Rusiyanın xarici işlər naziri Sergey Lavrov Ermənistan rəhbərliyini Avropa İttifaqına üzvlüklə bağlı verdiyi bəyanatlara görə “sözlərinə cavab verməyə” çağırıb.
Crossmedia.az xəbər verir ki, Lavrov bildirib ki, Ermənistanın Avropa İttifaqına daxil olması ilə bağlı qanunun qəbul edilməsi ilə rəsmi İrəvan artıq məsələni gündəmə gətirib və indi bu mövqe ilə bağlı aydın addım atmalıdır.
Rusiyalı nazir Ermənistanın baş naziri Nikol Paşinyanın seçki kampaniyası dövründə bu məsələdə qərarın Ermənistan xalqı tərəfindən veriləcəyini dediyini də xatırladıb.
Lavrovun sözlərinə görə, əgər belədirsə, o zaman alternativlər xalqa təqdim edilməli və referendum keçirilməlidir. O qeyd edib ki, Avropa İttifaqına üzvlüklə bağlı qanun artıq qəbul olunub və buna görə də hakimiyyət öz bəyanatlarına uyğun davranmalıdır.
12:00 05.06.2026
Oxunuş sayı: 54
