Xarici xəbərlər

Küveyt İran raket və PUA-larını zərərsizləşdirdiyini açıqlayıb: Ölən və yaralanan var

Küveyt öz hava məkanında İran tərəfindən atıldığı iddia edilən ballistik raket və pilotsuz uçuş aparatlarının zərərsizləşdirildiyini açıqlayıb.

Crossmedia.az xəbər verir ki, rəsmi məlumatlara əsasən, ölkə ərazisi üzərində 13 ballistik raket və 17 pilotsuz uçuş aparatı (PUA) ələ keçirilib və ya vurularaq zərərsizləşdirilib.

Məlumata görə, hücum nəticəsində bəzi raket və PUA qalıqları yaşayış məntəqələrinə düşüb, Küveyt Beynəlxalq Hava Limanı da daxil olmaqla bir sıra infrastruktur obyektlərində ziyan yaranıb.

Hadisə nəticəsində bir Hindistan vətəndaşının həlak olduğu, bir neçə şəxsin isə yaralandığı bildirilir. Rəsmilər ölkədə əhəmiyyətli maddi ziyanın qeydə alındığını açıqlayıb.

Hadisə ilə bağlı araşdırma aparılır və təhlükəsizlik tədbirlərinin gücləndirildiyi qeyd olunur.

🖨 Çap et

17:50 03.06.2026

Oxunuş sayı: 246