Xarici xəbərlər
Volodin Ermənistanın gələcəyi ilə bağlı mübahisə yaradacaq sözlər dedi
Rusiya Dövlət Dumasının sədri Vyaçeslav Volodin Ermənistanın Avropa İttifaqına inteqrasiyası ilə bağlı sərt açıqlama verib.
Crossmedia.az bu barədə xarici mediaya istinadən xəbər verir.
Volodin bildirib ki, Ermənistan Aİ-yə üzv olacağı təqdirdə öz kimliyini və milli xüsusiyyətlərini itirmək riski ilə üzləşə bilər. O, buna nümunə olaraq Ermənistanın öz brendisini artıq “konyak” adlandıra bilməməsini göstərib.
Dövlət Dumasının sədrinin sözlərinə görə, Avropa İttifaqı Ermənistana iqtisadi artım vəd edir. Lakin o qeyd edib ki, oxşar vədlər vaxtilə Ukraynaya da verilmişdi.
Volodin iddia edib ki, Ukrayna məhsulları sonradan Avropa bazarlarına tam şəkildə daxil ola bilməyib, çünki onların rəqabət qabiliyyəti kifayət qədər yüksək olmayıb.
Rusiyalı siyasətçi hesab edir ki, Ermənistan Avropa İttifaqı ilə yaxınlaşma prosesində milli maraqlarını və iqtisadi perspektivlərini diqqətlə qiymətləndirməlidir.
14:58 03.06.2026
Oxunuş sayı: 58
