Xarici xəbərlər

İsrailin razılaşma öncəsi Hizbullah planı İFŞA OLUNUB

İsrail ABŞ və İran arasında mümkün razılaşmadan əvvəl Hizbullahı zəiflətməyə çalışır.

Crossmedia.az xəbər verir ki, bu barədə "Al-Monitor" məlumat yayıb.

Məlumata əsasən, İsrail rəhbərliyi Livanda mümkün uzunmüddətli atəşkəs və yeni siyasi nizamlanma ehtimalını nəzərə alaraq hərbi təzyiqləri artırıb. Məqsədin, danışıqlar başlamazdan əvvəl Hizbullahın hərbi imkanlarını maksimum dərəcədə zəiflətmək olduğu bildirilir.

“Al-Monitor”a danışan İsrail diplomatik mənbələrindən biri bildirib ki, ABŞ administrasiyasının Livanda atəşkəs təşəbbüsü irəli sürməsi halında İsrailin manevr imkanları məhdudlaşa bilər. Buna görə də hazırkı mərhələdə maksimum təzyiq strategiyası tətbiq edilir.

İsrail tərəfi ehtiyat edir ki, ABŞ və İran arasında mümkün razılaşma bölgədə güc balansını dəyişə və Hizbullah üzərində təzyiq imkanlarını azalda bilər.

🖨 Çap et

15:55 12.05.2026

Oxunuş sayı: 304