Xarici xəbərlər

ABŞ Ədliyyə Nazirliyi Ukrayna silah idxalına qoyulan məhdudiyyətləri aradan qaldırıb

ABŞ Ədliyyə Nazirliyi Ukrayna silah idxalına qoyulan məhdudiyyətləri aradan qaldırıb.

Crossmedia.az xəbər verir ki, bu barədə "Forbes Ukraine" jurnalı məlumat verib.

İndi Ukrayna silahlarının idxalı üçün edilən müraciətlər avtomatik olaraq rədd edilməyəcək. Artıq onlar ABŞ Federal Odlu Silahlar, Partlayıcı Maddələr, Alkoqol və Tütün Agentliyi (ATF) tərəfindən fərdi olaraq nəzərdən keçiriləcək.

Amerika şirkətləri müəyyən kateqoriyalı Ukrayna silahlarını, sursatlarını və komponentlərini daimi olaraq idxal edə biləcəklər. Bu, Ukrayna müdafiə texnologiyaları şirkətləri üçün ABŞ bazarına qapı açır.

Məhdudiyyətlər 1997-ci ildən bəri bir neçə keçmiş Sovet respublikasından silah idxalına könüllü məhdudiyyətlər haqqında ABŞ-Rusiya müqaviləsinin bir hissəsi olaraq tətbiq olunur. Dəyişikliklərdən sonra Rusiya bu siyahıda yeganə ölkə olaraq qalacaq.

🖨 Çap et

20:10 07.05.2026

Oxunuş sayı: 48