Xarici xəbərlər
Neft və qaz gəlirlərində 40%-lik artım qeydə alınıb
Rusiyanın federal büdcəsində neft və qaz gəlirləri aprel ayında martla müqayisədə təxminən 40% artaraq 239 milyard rubl təşkil edib.
Crossmedia.az xəbər verir ki, bu barədə "Kommersant" nəşri məlumat yayıb.
Məlumata əsasən, gəlirlərin artmasına əsas səbəb dünya bazarında neft qiymətlərinin yüksəlməsi olub. Mart ayında Urals markalı xam neftin orta qiyməti bir barel üçün təxminən 77 dollara yüksəlib. Vergilərin bir aylıq gecikmə ilə ödənilməsi səbəbindən bu artım aprel gəlirlərinə təsir göstərib.
Aprel ayında isə Urals neftinin orta qiymətinin bir barel üçün 95 dollara çatdığı bildirilir. Bu da gələcək aylarda büdcə gəlirlərinin daha da artacağı ehtimalını gücləndirir.
Bununla yanaşı, 2026-cı ilin ilk dörd ayı üzrə neft və qaz gəlirlərinin ötən ilin eyni dövrü ilə müqayisədə hələ də aşağı olduğu qeyd edilir. Lakin hazırkı qiymət səviyyələrinin bu fərqi qısa zamanda azalda biləcəyi bildirilir.
Məlumatda həmçinin qeyd olunur ki, Rusiya Ukrayna müharibəsi fonunda neft ixracını artırmağa davam edir və uzun fasilədən sonra Milli Rifah Fonduna yenidən vəsait yığılmağa başlanıb.
15:47 07.05.2026
Oxunuş sayı: 49
