ABŞ-dən İranla bağlı İDDİA: Maaş verməyə pulları qalmayıb
ABŞ-nin BMT-dəki səfiri Mayk Ualtz İranın ağır iqtisadi vəziyyətlə üzləşdiyini açıqlayıb.
Crossmedia.az xəbər verir ki, o, “Fox News” telekanalına müsahibəsində ABŞ prezidenti Donald Tramp administrasiyasının Hörmüz boğazı ətrafında həyata keçirdiyi tədbirlərin İran hakimiyyətini ciddi təzyiq altında qoyduğunu bildirib.
Ualtzın sözlərinə görə, Vaşinqton İranın neft ixracını məhdudlaşdırmaq üçün faktiki dəniz blokadası tətbiq edib. O qeyd edib ki, ABŞ hərbi-dəniz qüvvələri yalnız neft daşınmasının qarşısını almaqla kifayətlənmir, həm də boş tanker gəmilərinin bölgəyə daxil olmasını əngəlləyir.
ABŞ rəsmisi bildirib ki, İranın milli valyutası sürətlə dəyər itirir, ölkənin valyuta ehtiyatları isə tükənmək üzrədir. Onun iddiasına görə, Tehran artıq nə hərbçilərə, nə də dövlət işçilərinə maaş verməkdə çətinlik çəkir.
“Onların artıq nefti saxlamaq üçün yerləri yoxdur. İran tam şəkildə razılaşmaya nail olmaq üçün çıxılmaz vəziyyətdə çalışır”, – deyə Ualtz vurğulayıb.
14:40 07.05.2026
Oxunuş sayı: 46
