Xarici xəbərlər

Pakistan ABŞ–İran danışıqlarının ikinci raunduna ev sahibliyi edə bilər

Pakistan ABŞ və İran arasında davam edən danışıqların ikinci raundunun mümkün ev sahibi kimi gündəmə gəlib.

Crossmedia.az bu barədə xarici mediaya istinadən xəbər verir.

Məlumata görə, görüşün gələn həftənin əvvəlində keçirilməsi planlaşdırılır və İslamabad bu prosesdə vasitəçi rolunu gücləndirməyə çalışır. Pakistanın məqsədinin Vaşinqton və Tehran arasında ilkin razılaşmaya doğru irəliləyişə şərait yaratmaq olduğu bildirilir.

Diplomatik mənbələrə əsasən, Pakistan ABŞ və İran arasında danışıqlar üçün platforma rolunu daha da genişləndirmək niyyətindədir və bu istiqamətdə beynəlxalq əlaqələrini aktivləşdirir.

Eyni zamanda İslamabadın, danışıqlarda müəyyən irəliləyişin ABŞ Prezidenti Donald Trampın xarici səfər gündəminə qədər əldə olunmasına ümid etdiyi qeyd edilir.

🖨 Çap et

20:44 06.05.2026

Oxunuş sayı: 70