Xarici xəbərlər

Çin şirkətlərindən Rusiya və İrana kütləvi tədarük

Çin şirkətləri Rusiya və İranı kütləvi şəkildə “Şahed” dronları üçün komponentlərlə təmin edir.

Crossmedia.az xəbər verir ki, bu barədə məlumatı “The Wall Street Journal” yayıb.

Nəşrin Çin gömrük məlumatlarına istinadən verdiyi xəbərə görə, içərisində ikili təyinatlı mallar — mühərriklər, çiplər, giroskoplar, akkumulyatorlar və fiber-optik kabellər olan yüzlərlə konteyner Rusiya və İrana göndərilib.

Bildirilib ki, yüklərin bir hissəsi “Şahed-136” dronları üçün nəzərdə tutulub. Xüsusilə Çin şirkətlərindən biri bu dronlarda istifadə edilən və ABŞ tərəfindən Rusiya və İrana satışı qadağan olunmuş mühərriki təqdim edir.

WSJ qeyd edir ki, əvvəllər Qərb komponentləri əsasən vasitəçi şirkətlər üzərindən tədarük olunurdu, lakin indi Rusiya və İran daha çox birbaşa Çin şirkətlərindən alış həyata keçirir.

Hesabata görə, 2024-cü ildən sonra fiber-optik dron komponentlərinin ixracı da artıb, eyni zamanda litium-ion akkumulyatorların tədarükü genişlənib.

Çin Xarici İşlər Nazirliyi isə ölkənin ixrac nəzarəti qaydalarına əməl etdiyini bildirir. ABŞ tərəfi isə bu tədarük zəncirinin tam qarşısını almağın çətin olduğunu qeyd edir və logistikanın məhdudlaşdırılması istiqamətində addımlar atıldığını vurğulayır.

🖨 Çap et

17:38 06.05.2026

Oxunuş sayı: 43