Xarici xəbərlər
Kallas: Ermənistanın Aİ-yə üzvlüyü uzun və mürəkkəb prosesdir
Avropa İttifaqının xarici siyasət üzrə ali nümayəndəsi Kaya Kallas bildirib ki, Ermənistanın Avropa İttifaqına mümkün üzvlüyü ilə bağlı qərarı ölkə özü verməlidir.
Crossmedia.az xəbər verir ki,bu barədə məlumatı xarici media yayıb.
Onun sözlərinə görə, Aİ Ermənistanla münasibətlərin dərinləşdirilməsini dəstəkləyir, lakin üzvlük perspektivi uzunmüddətli və mürəkkəb proses olaraq qalır. Bu proses üçün ölkənin islahatları davam etdirməsi və müəyyən meyarlara cavab verməsi vacibdir.
Kallas qeyd edib ki, hazırda əsas diqqət Ermənistanla əməkdaşlığın genişləndirilməsinə, iqtisadi və siyasi əlaqələrin gücləndirilməsinə yönəlib. Avropa İttifaqı tərəfi ölkənin inkişafı və dayanıqlığının artırılması istiqamətində dəstəyi davam etdirməyə hazırdır.
Qeyd olunur ki, Ermənistan son illərdə Aİ ilə yaxınlaşma kursu götürüb və hətta 2025-ci ildə Avropa İttifaqına qoşulma prosesinin başlanması ilə bağlı qanun qəbul edib. Bununla belə, ekspertlər bu prosesin uzun illər çəkə biləcəyini vurğulayır.
12:10 04.05.2026
Oxunuş sayı: 44
