Xarici xəbərlər
Tramp Hörmüz boğazında “Azadlıq Layihəsi” əməliyyatına başlayıb
ABŞ Hörmüz boğazında “Azadlıq Layihəsi” adlı əməliyyata başlayır
Crossmedia.az xəbər verir ki, bu barədə məlumatı xarici media yayiıb.
ABŞ Prezidenti Donald Tramp bəyan edib ki, bazar ertəsindən etibarən Hörmüz boğazında “Azadlıq Layihəsi” adlı humanitar əməliyyat start götürəcək.
Onun sözlərinə görə, əməliyyatın məqsədi boğazda hərəkəti çətinləşən xarici gəmilərin təhlükəsiz şəkildə çıxarılmasına yardım etməkdir. Tramp bildirib ki, Yaxın Şərq münaqişəsində iştirak etməyən bir sıra ölkələr Vaşinqtona müraciət edərək “neytral və günahsız” gəmilərin təhlükəli sulardan çıxarılmasına dəstək istəyib.
ABŞ prezidenti qeyd edib ki, bölgədə qalan bəzi gəmilərdə heyət üçün ərzaq və zəruri ləvazimat çatışmazlığı yaranıb və bu addım “xoşməramlı humanitar jest” kimi qiymətləndirilir. O, eyni zamanda xəbərdarlıq edib ki, əməliyyata hər hansı müdaxilə olarsa, buna qarşı sərt reaksiya veriləcək.
Tramp əlavə edib ki, Vaşinqton paralel olaraq İranla “müsbət istiqamətdə” danışıqları davam etdirir.
10:10 04.05.2026
Oxunuş sayı: 66
