ABŞ–İran gərginliyi bu ərəb ölkələri arasında fikir ayrılığı yaradıb
ABŞ–İran gərginliyi fonunda Birləşmiş Ərəb Əmirlikləri ilə Səudiyyə Ərəbistanı arasında ciddi fikir ayrılığı yaranıb.
Crossmedia.az xəbər verir ki, bu barədə “Axios” nəşri məlumat yayıb.
Məlumata görə, iki ölkə arasındakı münasibətlər “dərin uçurum” mərhələsinə çatıb.
Xəbərdə bildirilir ki, münaqişənin ilk mərhələsində ABŞ dövlət katibi Marko Rubio həm Ər-Riyad, həm də Əbu-Dabiyə Vaşinqtonun tərəf tutmayacağını çatdırıb.
Analitiklərə görə, tərəflər arasındakı gərginlik həm liderlər arasındakı şəxsi ziddiyyətlərdən, həm də İran ətrafında baş verən proseslərin fərqli təsirlərindən qaynaqlanır.
Bildirilir ki, əvvəlcə münaqişəyə qarşı çıxan BƏƏ hazırda onun müsbət nəticə ilə başa çatmasını və İran məsələsinin tam həllini dəstəkləyir. Əksinə, əvvəllər daha sərt mövqe sərgiləyən Səudiyyə Ərəbistanı isə iqtisadi itkilərin artmasını nəzərə alaraq qarşıdurmanın tezliklə sona çatmasını istəyir.
11:38 03.05.2026
Oxunuş sayı: 49
