Xarici xəbərlər

NYT: ABŞ müasir müharibəyə hazır deyil

ABŞ-nin müasir müharibə şərtlərinə tam hazır olmadığı barədə iddialar İrana qarşı mümkün hərbi əməliyyatlar fonunda yenidən gündəmə gəlib.

Crossmedia.az xəbər verir ki, "The New York Times" nəşrinin yazdığına görə, ABŞ və İran arasında artan gərginlik Vaşinqtonun hərbi hazırlığı ilə bağlı suallar doğurur. Məqalədə qeyd olunur ki, İranın Hörmüz boğazı üzərindəki təsir imkanları və onun dron və raket potensialı ABŞ-nin regiondakı müttəfiqləri üçün ciddi risk yaradır.

Pentaqona yaxın hərbi ekspertlərin fikirlərinə istinad edilən materialda bildirilir ki, daha zəif hesab edilən bir ölkənin daha güclü danışıqlar mövqeyi əldə etməsi müasir müharibə qaydalarının dəyişdiyini göstərir.

Nəşr bu vəziyyətin ABŞ-nin regiondakı strategiyasını və hərbi üstünlük anlayışını yenidən nəzərdən keçirməyə məcbur edə biləcəyini vurğulayır.

🖨 Çap et

16:57 01.05.2026

Oxunuş sayı: 138