Xarici xəbərlər

Trilyonluq büdcəyə baxmayaraq ABŞ müharibədə üstünlüyünü İTİRİR - İDDİA

ABŞ hər il ordusuna təxminən 1 trilyon dollar vəsait ayırsa da, bu, real döyüş şəraitində üstünlüyü tam təmin etmir.

Crossmedia.az xəbər verir ki, bu barədə "The New York Times" nəşri yazır.

Məqalədə qeyd olunur ki, ABŞ-nin güclü hava qüvvələri, donanması və qabaqcıl texnologiyalarına baxmayaraq, müasir müharibələrdə həlledici nəticələr əldə etmək çətinləşib. Eyni zamanda İran regionda təzyiq imkanlarını qoruyur, o cümlədən Hörmüz boğazı üzərində təsirini saxlayaraq müttəfiqlərinə qarşı raket və pilotsuz uçuş aparatlarından istifadə potensialını nümayiş etdirir.

Yazıda bildirilir ki, ABŞ müdafiə sənayesi sürətli və kütləvi silah istehsalında çətinlik çəkir. Pentaqon isə daha çox bahalı və mürəkkəb sistemlərə üstünlük verir. Halbuki son müharibə təcrübələri, xüsusilə Ukraynadakı hadisələr, daha ucuz və kütləvi istehsal olunan pilotsuz sistemlərin effektivliyini göstərir.

Nəşr hesab edir ki, ABŞ ordusunun modernləşdirilməsi üçün pilotsuz sistemlərə qarşı müdafiə texnologiyalarına investisiyaların artırılması, pilotsuz uçuş aparatlarının kütləvi istehsalı və müdafiə sənayesində islahatlar zəruridir.

Qeyd olunur ki, bu zəifliklər təkcə Vaşinqtonda deyil, həm də Rusiya və Çin tərəfindən də diqqətlə izlənilir.

🖨 Çap et

14:06 01.05.2026

Oxunuş sayı: 50