Xarici xəbərlər
BMT: İranda müharibədən sonra edam və həbslərin sayı artıb
BMT-nin İnsan Hüquqları İdarəsi bildirib ki, ABŞ və İsraillə müharibənin başlamasından sonra İranda repressiya tədbirləri ciddi şəkildə sərtləşib.
Crossmedia.az xəbər verir ki, təşkilatın məlumatına görə, münaqişə dövründən indiyədək İranda ən azı 21 nəfər edam olunub, 4000-dən çox insan isə həbs edilib.
BMT-nin açıqlamasında qeyd edilir ki, son aylarda həyata keçirilən edamlar arasında müxtəlif ittihamlar üzrə hökmlər yer alır. Bildirilir ki:
– ən azı 9 nəfərin yanvar etirazları ilə bağlı ölüm hökmü icra olunub;
– 10 nəfər müxalif qruplara üzvlük ittihamı ilə edam edilib;
– 2 nəfər isə casusluqda təqsirli bilinərək ölüm cəzasına məhkum edildikdən sonra edam olunub.
BMT İnsan Hüquqları İdarəsi vəziyyətin narahatlıq doğurduğunu bildirərək, beynəlxalq ictimaiyyəti prosesləri diqqətlə izləməyə çağırıb.
18:32 29.04.2026
Oxunuş sayı: 47
