Zelenski: Rusiyanın hərbi və enerji imkanları hədəfdədir
Ukrayna prezidenti Volodimir Zelenski ölkənin Təhlükəsizlik Xidmətinin əməkdaşlarına və qurumun rəhbərliyini əvəz edən general-mayor Yevgeni Xmaraya təşəkkür edib.
Crossmedia.az bu barədə xarici mediaya istinadən xəbər verir.
Zelenski bildirib ki, Ukrayna silahlarının istifadəsində yeni mərhələyə keçilib və bu, Rusiyanın hərbi potensialını məhdudlaşdırmağa yönəlib. Onun sözlərinə görə, zərbələrin məsafəsi artıq 1500 kilometrdən çoxdur və bu imkanlar daha da genişləndiriləcək.
Ukrayna lideri qeyd edib ki, bu əməliyyatlar Rusiyanın hərbi sənayesinə, logistikasına və neft ixracına təsir göstərir və nəticələr “hər kəs üçün aydındır”. O, həmçinin Rusiyanın müharibəyə son qoymasının vacibliyini vurğulayıb.
14:07 29.04.2026
Oxunuş sayı: 47
