Xarici xəbərlər

Polşa Ukraynanın tələbi ilə saxlanılan rusiyalı arxeoloqun taleyi ilə bağlı suallara aydınlıq gətirib

Polşa Ukraynanın tələbi ilə saxlanılan rusiyalı arxeoloq Aleksandr Butyaginin azad edilməsi və sonrakı prosesi ilə bağlı yeni detallar ortaya çıxıb.

Crossmedia.az xəbər verir ki, bu barədə UNIAN məlumat yayıb.

Bildirilir ki, Butyagin 2025-ci ilin dekabrında Polşada saxlanılıb və Ukrayna onu Krımda qanunsuz arxeoloji qazıntılar aparmaqda və mədəni irsə ziyan vurmaqda ittiham edib. Ona qarşı ekstradisiya proseduru başlanmışdı.

Məlumata görə, Polşa məhkəməsi onun Ukraynaya təhvil verilməsi barədə qərar verib, lakin sonradan o, Polşa və Belarus arasında həyata keçirilən məhbus mübadiləsi çərçivəsində azad olunub.

Rusiya tərəfi isə bu prosesi tənqid edərək, Butyaginin azad edilməsini və Ukraynaya verilməməsini tələb edib.

Qeyd olunur ki, Butyagin Rusiya Ermitaj Muzeyinin əməkdaşıdır və Krımda aparılan arxeoloji tədqiqatlarla bağlı uzun müddətdir mübahisəli vəziyyət mövcuddur.

🖨 Çap et

18:51 28.04.2026

Oxunuş sayı: 40