İngiltərədə “lənətli tablo” müzakirə yaradır: Alanlar qorxu içində geri qaytarır
İngiltərədə satılan bir portret ətrafında maraqlı və mübahisəli hadisə yaşanıb. Gənc qızın təsvir olunduğu tabloyu alan şəxslər qısa müddət sonra qorxu və narahatlıq hiss etdiklərini bildirərək onu geri qaytarıblar.
Crossmedia.az xəbər verir ki, bu barədə Haberler.com məlumat yayıb.
Belə ki, tablo ilk olaraq 25 funt sterlinqə satılıb, lakin cəmi iki gün sonra alıcı tərəfindən panika içində geri gətirilib. Daha sonra eyni tabloyu alan başqa bir şəxs də oxşar səbəblərlə əsəri qaytarıb, hətta pulunu geri tələb etməyib.
Alıcılar rəsmin onlarda narahatlıq yaratdığını, bəziləri isə tablodakı qızın gözlərinin hərəkət etdiyini iddia edib.
Hadisədən sonra mağaza sahibi tabloya diqqət çəkmək məqsədilə “Yəqin ki, lənətlidir. İki dəfə satılıb və iki dəfə geri qaytarılıb. Kifayət qədər cəsarətlisən?” yazısını əlavə edərək yenidən satışa çıxarıb.
Sosial şəbəkələrdə geniş müzakirələrə səbəb olan hadisə ilə bağlı fikirlər iki yerə bölünüb. Bəzi istifadəçilər tablonun həqiqətən qeyri-adi təsirə malik olduğunu düşünür, digərləri isə bunun sadəcə diqqət cəlb etmək üçün qurulmuş bir marketinq gedişi olduğunu iddia edir.
17:07 12.04.2026
Oxunuş sayı: 47
