Xarici xəbərlər

Polis hərəkətə keçdi: Misdən saxta qızıl hazırlanırmış

İstanbulun Fatih şəhərindəki bir iş binasında qurduğu emalatxanada misdən saxta qızıl istehsal edən və üzərinə tanınmış qızıl istehsalçılarının möhürlərini vuraraq satan şübhəli saxlanılıb.

Crossmedia.az bu barədə "HaberGlobal"-a istinadən xəbər verir.

İstanbul İctimai Təhlükəsizlik Şöbəsi Müdirliyinin Saxtakarlıq Bürosuna daxil olan məlumatdan sonra polis qrupları Fatihdə Taştekneler küçəsindəki bir ünvanı izləyiblər.

İş yerinin bağlı olduğu aşkar edilərkən, pusqu quran polis əməkdaşları Yüksel A.-nı iş yerini açarkən yaxalayıblar.

İş yerində aparılan axtarış zamanı Saxtakarlıq Bürosu qrupları çox sayda saxta qızıl əşyası müsadirə ediblər.

1 qramdan 10 qrama qədər hissələrlə qablaşdırılmış qızılın üzərində tanınmış qızıl istehsalçılarının loqotiplərinin olduğu aşkar edilib. Axtarış zamanı polis qrupları müxtəlif çəkilərdə 472 paket saxta qızıl və çoxsaylı bilərziklər müsadirə ediblər.

İstintaq zamanı şübhəlinin saxta qızılı misdən istifadə edərək istehsal etdiyi və daha sonra tanınmış qızıl istehsalçılarının loqotipləri olan qutulara qablaşdırdığı müəyyən edilib. Şübhəlinin ağır qızıl əşyalarını və bilərziklər kimi zinət əşyalarını qızıl örtük məhluluna batırdığı və sonra zərgərlərin istifadə etdiyi məhlul ilə yoxlatdırdığı məlum olub. Şübhəlinin saxta qızılı zərgərlərə əsl qızıl kimi satdığı və bununla da milyonlarla lirə qanunsuz qazanc əldə etdiyi müəyyən edilib.

🖨 Çap et

07:30 12.04.2026

Oxunuş sayı: 50