Xarici xəbərlər

Con Kerri: Netanyahu illərlə ABŞ-dən İrana zərbə tələb edib

ABŞ-nin sabiq dövlət katibi Con Kerri bildirib ki, İsrail Baş naziri Benyamin Netanyahu uzun illər ərzində İran əleyhinə hərbi zərbələr endirilməsi üçün ABŞ administrasiyalarına təzyiq göstərib.

Crossmedia.az xarici mediaya istinadən xəbər verir ki, Kerri bu barədə sabiq Ağ Ev mətbuat katibi Cen Psaki ilə müsahibəsində danışıb. O, qeyd edib ki, Benyamin Netanyahu müxtəlif dövrlərdə Tehranla bağlı hərbi tədbirlər görülməsi üçün ardıcıl şəkildə ABŞ rəhbərliyinə müraciət edib.

Onun sözlərinə görə, ABŞ-nin keçmiş prezidentləri Corc Buş, Barak Obama və Co Bayden bu tələbləri qəbul etməyib.

Kerri iddia edib ki, yalnız ABŞ prezidenti Donald Tramp dövründə bu istiqamətdə fərqli yanaşma müşahidə olunub və İsrail tərəfinin mövqeyi daha çox dəstək qazanıb.

Açıqlama ABŞ–İsrail münasibətləri və İran ətrafında illərdir davam edən gərginliklə bağlı yeni müzakirələrə səbəb olub.

🖨 Çap et

14:48 10.04.2026

Oxunuş sayı: 47