Paşinyan: Ərazi iddiaları Ermənistanı müharibəyə sürükləyə bilər
Ermənistanın Baş naziri Nikol Paşinyan ölkədə bəzi müxalif qüvvələrin ərazi ilə bağlı səsləndirdiyi fikirləri sərt tənqid edib.
Crossmedia.az bu barədə xarici mediaya istinadən xəbər verir.
Baş nazir brifinq zamanı bildirib ki, Ermənistanın özünü 29.743 kvadrat kilometr ərazi ilə məhdudlaşdırmaması barədə iddialar təhlükəlidir və bu cür yanaşma ölkəni müharibəyə aparır.
Paşinyanın sözlərinə görə, əgər hər hansı siyasi qüvvə Ermənistanın bu sərhədlərlə kifayətlənməməli olduğunu deyirsə, bu, faktiki olaraq yeni müharibənin qaçılmaz olacağı anlamına gəlir.
Qeyd edək ki, Ermənistan hakimiyyəti son dövrlərdə regionda sabitliyin qorunmasının vacibliyini vurğulayır və mümkün eskalasiya riskləri ilə bağlı xəbərdarlıqlar edir.
16:35 09.04.2026
Oxunuş sayı: 43
