Gündəm
Tramp bu addımı ilə blef edir - AÇIQLAMA
ABŞ-ın yeni seçilmiş prezidenti Donald Tramp ölkəsinin Şimali Atlantika Alyansından (NATO) çıxma ehtimalını istisna etməyib. O vurğulayıb ki, müttəfiqlərin maliyyə öhdəliklərini yerinə yetirməsi Vaşinqtonun Alyansda davamlı iştirakının əsas şərti olacaq. Bəs Donald Trampın NATO-dan çıxma ehtimalını səsləndirməsi ABŞ-ın xarici siyasətində hansı dəyişikliklərə səbəb ola bilər? ABŞ NATO-dan çıxarsa, bu, Alyansın fəaliyyətinə və bütövlüyünə necə təsir göstərə bilər?
Məsələ ilə bağlı politoloq Samir Hümbətov Crossmedia.az saytına açıqlamasında bildirib ki, ABŞ-ın NATO-dan çıxması məsələsi hələ ki real görünmür:
"Donald Tramp ötən dörd il ərzində də maliyyə yükünün çox olması və digər səbəblərdən NATO-dan çıxa biləcəyi ilə bağlı açıqlamalar vermişdi. Fikrimcə Donald Tramp bu addımla blef edir, çünki o, digər üzv dövlətlərdən NATO-ya ayrılan məbləği 3 faizə qədər, yəni ümumdaxili məhsulun 3 faizinə qədər artırmağı təklif edir. Həmin dövlətlər isə bu məsələdə geri addım atırlar. İndi Donald Tramp bu cür açıqlama verməklə bir növ blef edir və o biri dövlətlərin ümumdaxili məhsulunun 3 faizə qədərinin NATO-ya üzvlük haqqı ödənilməsi məsələsini gündəmə gətirmək istəyir. Amma, fikrimcə, Amerika dərin dövlətdir və Trampın NATO-dan çıxmaqla bağlı bu fikrini və açıqlamasını dəstəkləyəcəyini düşünmürəm.
Həmçinin politoloq qeyd edib ki, ikinci bir məsələ isə odur ki, Tramp hakimiyyətə seçilən kimi, hətta Ağ Evə çıxmamış Rusiya-Ukrayna müharibəsini dayandıra biləcəyi ilə bağlı açıqlama vermişdi:
"Amma Trampın hakimiyyətə gəlməsinə artıq bir aya yaxın vaxt qalmasına baxmayaraq, hələ də Rusiya-Ukrayna müharibəsində dəyişiklik yoxdur. Əksinə Amerikanın Ukraynaya yenidən bir milyard dollarlıq yardımın ayrılması ilə bağlı qərar qəbul etdiyini görürük və müharibə getdikcə daha aktiv fazaya keçir. O baxımdan düşünürəm ki, Tramp istəsə belə NATO-dan çıxmaq məsələsi inandırıcı görünmür. Onun NATO-dan çıxması Amerikanın Avrasiya siyasətini zərbə altında qoya bilər, ona görə də bu cür açıqlamalar sadəcə üzv dövlətlərdə üzvlük haqqının artırılmasına hesablanmış bir fikir kimi dəyərləndirilə bilər".
Gülşad İbrahimova
Məsələ ilə bağlı politoloq Samir Hümbətov Crossmedia.az saytına açıqlamasında bildirib ki, ABŞ-ın NATO-dan çıxması məsələsi hələ ki real görünmür:
"Donald Tramp ötən dörd il ərzində də maliyyə yükünün çox olması və digər səbəblərdən NATO-dan çıxa biləcəyi ilə bağlı açıqlamalar vermişdi. Fikrimcə Donald Tramp bu addımla blef edir, çünki o, digər üzv dövlətlərdən NATO-ya ayrılan məbləği 3 faizə qədər, yəni ümumdaxili məhsulun 3 faizinə qədər artırmağı təklif edir. Həmin dövlətlər isə bu məsələdə geri addım atırlar. İndi Donald Tramp bu cür açıqlama verməklə bir növ blef edir və o biri dövlətlərin ümumdaxili məhsulunun 3 faizə qədərinin NATO-ya üzvlük haqqı ödənilməsi məsələsini gündəmə gətirmək istəyir. Amma, fikrimcə, Amerika dərin dövlətdir və Trampın NATO-dan çıxmaqla bağlı bu fikrini və açıqlamasını dəstəkləyəcəyini düşünmürəm.
Həmçinin politoloq qeyd edib ki, ikinci bir məsələ isə odur ki, Tramp hakimiyyətə seçilən kimi, hətta Ağ Evə çıxmamış Rusiya-Ukrayna müharibəsini dayandıra biləcəyi ilə bağlı açıqlama vermişdi:
"Amma Trampın hakimiyyətə gəlməsinə artıq bir aya yaxın vaxt qalmasına baxmayaraq, hələ də Rusiya-Ukrayna müharibəsində dəyişiklik yoxdur. Əksinə Amerikanın Ukraynaya yenidən bir milyard dollarlıq yardımın ayrılması ilə bağlı qərar qəbul etdiyini görürük və müharibə getdikcə daha aktiv fazaya keçir. O baxımdan düşünürəm ki, Tramp istəsə belə NATO-dan çıxmaq məsələsi inandırıcı görünmür. Onun NATO-dan çıxması Amerikanın Avrasiya siyasətini zərbə altında qoya bilər, ona görə də bu cür açıqlamalar sadəcə üzv dövlətlərdə üzvlük haqqının artırılmasına hesablanmış bir fikir kimi dəyərləndirilə bilər".
Gülşad İbrahimova
16:29 09.12.2024
Oxunuş sayı: 12986
