KİV: İsrail Xəzər dənizində İranın silah marşrutuna zərbə endirib
İsrail ötən həftə İranın Xəzər dənizində Rusiyaya silah və dron tədarük edən təchizat xəttinə zərbə endirib.
Crossmedia.az xəbər verir ki, bu barədə “The Wall Street Journal” qəzeti yazıb.
Hücum sursat, dron və digər hərbi avadanlıqların daşınması üçün istifadə edilən marşruta təsir edib.
Zərbə Xəzər dənizi vasitəsilə həyata keçirilən hərbi təchizat və həyat əhəmiyyətli resursların – o cümlədən neft, taxıl və ərzağın – ticarətinə risk yaradıb. Məlumatda bildirilir ki, bu marşrut İranın “Shahed” dronlarının Rusiyaya daşınması üçün xüsusilə vacibdir.
Ekspertlər qeyd edirlər ki, bu əməliyyat İsrailin lazım gəldikdə təzyiqi artırmaq və regiondakı strateji üstünlüyünü nümayiş etdirmək qabiliyyətini göstərir. ABŞ Hərbi Dəniz Qüvvələrinin Xəzər dənizində əlçatan olmaması isə əməliyyatın regional və strateji əhəmiyyətini artırır.
13:00 25.03.2026
Oxunuş sayı: 57
