Xarici xəbərlər

Vaşinqtonun siyasəti dəyişir – İran rəsmisi bunu “geri çəkilmə” adlandırdı

İranın Ali Milli Təhlükəsizlik Şurasının üzvü Səid Cəlili ABŞ-nin son açıqlamalarını tənqid edərək bunu geri çəkilmə kimi qiymətləndirib.

Crossmedia.az bu barədə xarici mediaya istinadən xəbər verir.

Cəlili bildirib ki, ABŞ əvvəlcə Hörmüz boğazı ilə bağlı sərt mövqe nümayiş etdirib. Onun sözlərinə görə, Vaşinqton əvvəl "boğaz açılmalıdır" deyə bəyan edib, daha sonra isə gəmilərin sığortalanması və müşayiəti ilə bağlı təkliflər irəli sürüb.

İran rəsmisi qeyd edib ki, son mərhələdə ABŞ-nin bu prosesi İranla birgə idarə etməyə hazırıq mesajı verməsi mövqenin dəyişdiyini göstərir.

Cəlilinin fikrincə, bu dəyişiklik İranın gücünün nəticəsidir:

“İndi bu geri çəkilmədir. İranın gücü ABŞ-ni reallıqla üzləşməyə məcbur edib.”

O, əlavə edib ki, regionda baş verən hadisələr fonunda ABŞ-nin siyasətindəki bu transformasiya diqqətlə izlənilməlidir.

🖨 Çap et

11:55 25.03.2026

Oxunuş sayı: 47