Səfir: İranla qarşıdurmada qoşun göndərilməsi istisna edilmir
İranla bağlı siyasətdə bütün variantlar nəzərdən keçirilir.
Crossmedia.az xəbər verir ki, bunu ABŞ-nin BMT-dəki səfiri Mayk Uolts "CNN" telekanalına müsahibəsində deyib.
O bildirib ki, Ağ Ev rəhbəri Donald Tramp administrasiyası üçün hərbi qüvvələrin göndərilməsi də mümkün seçimlər sırasındadır.
Bununla yanaşı, Vaşinqtonun hələlik İranın nüvə obyektlərini hava və ya dəniz zərbələri ilə zəiflətməyə üstünlük verdiyi qeyd olunub.
Uolts əlavə edib ki, Tramp qərarlarını İranın nüvə silahı əldə etmə ehtimalı ilə hərbi münaqişənin risklərini müqayisə edərək verir.
O, ABŞ prezidentinin qlobal münaqişələri azaltmaq istədiyini bildirsə də, İranla qarşıdurmanı uzunmüddətli və davam edən proses kimi qiymətləndirib.
Səfir vurğulayıb ki, ABŞ administrasiyası indiyədək diplomatik həll yollarına üstünlük verib, lakin hazırda bütün variantlar siyasət çərçivəsində nəzərdən keçirilir.
18:10 21.03.2026
Oxunuş sayı: 155
