ABŞ Rusiyanın İran uranı təklifini rədd etdi
ABŞ İranın yüksək zənginləşdirilmiş uranının Rusiyaya göndərilməsi təklifini rədd edib.
Crossmedia.az xəbər verir ki, bu barədə "Axios" nəşri yazıb.
Məlumata görə, Rusiya Prezidenti Vladimir Putin martın 9-da ABŞ Prezidenti Donald Tramp ilə telefon danışığı zamanı İranın nüvə materialları ilə bağlı bir neçə təşəbbüs irəli sürüb. Bu təşəbbüslərdən biri İranın 60% səviyyəsində zənginləşdirilmiş təxminən 450 kiloqram uranının Rusiyaya göndərilməsi olub.
Nəşr bildirir ki, bu addım ABŞ və İsrail ilə İran arasında gərginliyi azaltmaq və mümkün münaqişəni önləmək məqsədilə müzakirə olunub. Lakin Vaşinqton bu ideyanı qəbul etməyib.
Qeyd olunur ki, 60% zənginləşdirilmiş uran qısa müddətdə, bir neçə həftə ərzində, 90% səviyyəsinə çatdırıla bilər ki, bu da nüvə silahı üçün lazım olan səviyyədir.
13:29 14.03.2026
Oxunuş sayı: 57
