Böyük Britaniyanın “baş siçan ovçusu” öldü
Böyük Britaniya Xarici İşlər Nazirliyinin sabiq “baş siçan ovçusu” olan Palmerston adlı pişik Bermud adalarındakı evində ölüb. Onun 12 yaşı var idi.
Crossmedia.az xəbər verir ki, bu barədə pişiyin X sosial şəbəkəsindəki rəsmi hesabında bildirilib.
“Palmerston, görkəmli diplomat, fevralın 12-də sakit şəkildə dünyasını dəyişdi”, — deyə əlavə edilib.
Palmerston 2020-ci ilin avqustunda dörd illik diplomatik xidmətindən sonra təqaüdə çıxmışdı. Fevralın əvvəlində isə o, “təqaüddən geri dönərək” Böyük Britaniyanın Bermud adalarındakı dördayaqlı nümayəndəsi təyin olunmuşdu.
Palmerston 2016-cı ilin aprelində hökumətə gətirilmişdi. Xarici İşlər Nazirliyinin əməkdaşları ona böyük sevgi ilə yanaşır, tutduğu siçanlara görə minnətdarlıq əlaməti olaraq müxtəlif ləzzətlər təqdim edirdilər.
10:20 15.02.2026
Oxunuş sayı: 403
