ABŞ Prezidenti Donald Tramp İranda mümkün hakimiyyət dəyişikliyi ilə bağlı açıqlama verib.
Crossmedia.az xarici mediaya xəbər verir ki, Tramp Fort Bragg hərbi bazasından qayıdarkən hava limanında jurnalistlərin suallarını cavablandırıb.
Müxbirin “İranda kimin hakimiyyətə gəlməsini istəyirsiniz?” sualına ABŞ Prezidenti bu mövzuda danışmaq istəmədiyini bildirib və yalnız “insanlar var” deməklə kifayətlənib.
Söhbət zamanı Tramp İranda mümkün rejim dəyişikliyi ilə bağlı fikirlərini də səsləndirib. Onun sözlərinə görə, İranda hakimiyyət dəyişikliyi “baş verə biləcək ən uğurlu şey” ola bilər.
ABŞ Prezidenti əlavə edib ki, İran rəhbərliyi 47 ildir müxtəlif vədlər verir və bu müddət ərzində çoxlu insan tələfatı baş verib. Tramp çıxışını “Bu, uzun müddətdir davam edir, görək nə olacaq” sözləri ilə yekunlaşdırıb.
