Xarici xəbərlər
ŞOK QƏRAR: Yüzlərlə şəhəri məhv edə biləcək plan açıqlanır
Fransa ayın sonunadək Avropa ölkələrinə öz nüvə çəkindirmə çərçivəsini təklif etməyi planlaşdırır.
Crossmedia.az xəbər verir ki, bu barədə "Bloomberg" nəşri məlumat yayıb.
Məlumata görə, məsələ hazırda Munich Security Conference çərçivəsində müzakirə olunur. Fransa prezidenti Emmanuel Makron isə bu istiqamətdə daha geniş açıqlamanı yaxın günlərdə verməyi planlaşdırır.
Hazırda Avropada yalnız iki ölkə – Fransa və Birləşmiş Krallıq – nüvə silahına malikdir. Londonun nüvə başlıqları ABŞ ilə sıx əməkdaşlıq çərçivəsində fəaliyyət göstərir və bəzi qərarlarda Vaşinqtonun razılığına ehtiyac duyulur. Paris isə öz nüvə arsenalına və istehsalına tam müstəqil nəzarət edir.
Hər iki ölkənin nüvə potensialı Rusiya və ABŞ ilə müqayisədə daha məhdud hesab olunsa da, mənbələr onların yüzlərlə şəhəri məhv etmək gücündə olduğunu bildirir.
Qeyd edək ki, Emmanuel Makron daha əvvəl Fransanın “nüvə çətirini” Avropaya genişləndirməyi təklif etmişdi. Bundan əlavə, Fransa və Birləşmiş Krallıq arasında daha dərin nüvə əməkdaşlığı ilə bağlı danışıqların aparıldığı bildirilir.
10:05 14.02.2026
Oxunuş sayı: 2087
