Alternativ dəmir yolu xətti gündəmdə – İrəvandan mesaj
Moskva Yerasx və Axurik yaxınlığındakı dəmir yolu hissələrinin bərpasını yubatsa, Ermənistan tranzit potensialını itirə bilər.
Crossmedia.az xəbər verir ki, bu barədə Ermənistanın keçmiş baş naziri Xosrov Harutyunyan bildirib.
Onun sözlərinə görə, bu halda məsuliyyət konsessiya sahibinin üzərinə düşəcək və bunun müəyyən nəticələri olacaq.
Harutyunyan TRIPP çərçivəsində Meğridən keçən yol layihəsinə də toxunaraq qeyd edib ki, sürüşmədən sonra sadəcə bərpa tələb edən Qazax–İcevan–Dilijan–Fioletovo–Razdan–Yerevan alternativ dəmir yolu xətti mövcuddur.
Siyasətçi bildirib ki, Meğri bölgəsindən keçən 43 kilometrlik yol Ermənistan üçün nə iqtisadi, nə də təhlükəsizlik baxımından ciddi fayda vəd edir.
O, həmçinin vurğulayıb ki, Azərbaycanın Naxçıvanla əlaqəsi heç vaxt tam kəsilməyib və Bakı 1990-cı illərdən bəri İran vasitəsilə bu əlaqəni qoruyub saxlayır.
Harutyunyanın fikrincə, Sünik bölgəsi Türkiyə və Azərbaycan üçün iqtisadi əməkdaşlıq çərçivəsində təsir imkanlarını genişləndirmək baxımından strateji əhəmiyyət daşıyır.
23:55 13.02.2026
Oxunuş sayı: 426
