Xarici xəbərlər
Fidan açıqladı: Yaxın Şərqdə yeni müharibə yarana bilər
ABŞ və İran nüvə sazişi üzrə müəyyən güzəştlərə hazır görünür.
Crossmedia.az xəbər verir ki, Türkiyənin xarici işlər naziri Hakan Fidan "Financial Times" qəzetinə müsahibəsində bildirib.
Nazirin sözlərinə görə, Vaşinqton Tehranın uranın zənginləşdirilməsini tamamilə dayandırması ilə bağlı əvvəlki sərt tələbindən geri çəkilə bilər.
“Müsbət cəhət odur ki, amerikalılar İranda aydın şəkildə müəyyən edilmiş sərhədlər daxilində uranın zənginləşdirilməsinə icazə verməyə hazır görünür. İranlılar indi amerikalılarla razılığa gəlməli olduqlarını başa düşürlər və amerikalılar başa düşürlər ki, iranlıların öz sərhədləri var”, – deyə nazir vurğulayıb.
Fidan əlavə edib ki, ABŞ-nin danışıqlarda İrana qarşı maksimalist tələblərlə çıxış etməsi Yaxın Şərqdə yeni müharibə riskini artıra bilər.
Türkiyə XİN rəhbəri tərəfləri qarşılıqlı anlayış və realist yanaşma nümayiş etdirməyə çağırıb.
13:23 12.02.2026
Oxunuş sayı: 697
