Analiz: ABŞ geriləyir, Çin qlobal diplomatiyada önə çıxır
ABŞ-də Respublikaçılara yaxın olan "The National Interest" nəşri son Davos Dünya İqtisadi Forumu sonrası geniş analiz yayımlayıb.
Crossmedia.az-ın nəşrə istinadən verdiyi məlumata görə, məqalədə vurğulanır ki, forum Çinlə ABŞ arasında qlobal güc balansındakı dəyişiklikləri açıq şəkildə ortaya qoyub. Çin artıq yalnız ticari sahədə deyil, diplomatik və strateji liderlik baxımından da qlobal təsirə malik aktor kimi önə çıxır.
Analizə görə, Çin diplomatik və iqtisadi təsir dairəsini Davosda nümayiş etdirərək ABŞ-ın qlobal səhnədəki liderliyinin sürətlə zəiflədiyini göstərib. ABŞ Konqresində də Pekinin diplomatik gücünün Vaşinqtonu geridə qoyduğu barədə təqdimatlar keçirilib və bu, köhnə “tək qütblü sistemin” çoxqütblü yeni düzənə keçidi kimi qiymətləndirilir.
Yazıda Kanadanın və Böyük Britaniyanin belə Çinlə iqtisadi və diplomatik əlaqələrini genişləndirməsi də bu dönüşümün bariz nümunəsi kimi göstərilir. Belə ki, bu ölkələrin Pekinlə yeni strateji əməkdaşlıqlar qurması ABŞ-nin ənənəvi müttəfiqlərinin də Çinə yönəldiyini ortaya qoyur.
Nəticədə Davos zirvəsi Çin üçün yalnız iqtisadi bazar deyil, həm də qlobal diplomatiyada təsirini genişləndirmək üçün mühüm platforma rolunu oynayıb və qlobal güc balansında ciddi dəyişikliklərin siqnalını verib.
17:32 06.02.2026
Oxunuş sayı: 471
