Özbəkistan və ABŞ arasında kritik minerallar və nadir torpaq elementləri sahəsində əməkdaşlıqla bağlı memorandum imzalanıb.
Crossmedia.az bu barədə xarici mediaya istinadən xəbər verir.
Sənəd Özbəkistanın xarici işlər naziri Bəxtiyor Saidov və ABŞ dövlət katibinin müavini Kristofer Landau tərəfindən imzalanıb. Memorandum kritik mineralların və nadir torpaq elementlərinin hasilatı və emalı üzrə əməkdaşlığın genişləndirilməsini nəzərdə tutur.
Tərəflər görüş zamanı ticarət-iqtisadi əlaqələrin inkişafı, enerji təhlükəsizliyi məsələləri, eləcə də C5+1 formatı çərçivəsində əməkdaşlıq imkanlarını müzakirə ediblər.
ABŞ tərəfi Özbəkistanla strateji tərəfdaşlığın dərinləşdirilməsində maraqlı olduğunu bəyan edib.
