Rusiya 2025-ci ildə büdcəsinin yarısını müharibəyə xərcləyib
Almaniya Federal Kəşfiyyat Xidmətinin (BND) təhlilinə görə, Rusiya 2025-ci ildə dövlət büdcəsinin yarısına qədərini hərbi məqsədlərə yönəldib. Crossmedia.az bu barədə xarici mediaya istinadən xəbər verir.
Məlumata əsasən, Moskvanın faktiki müdafiə xərcləri rəsmi açıqlanan rəqəmlərdən təxminən 66 faiz yüksəkdir.
BND-nin hesablamalarına görə, Rusiyanın real hərbi xərcləri 2025-ci ildə təxminən 250 milyard avroya çatır ki, bu da ölkənin ümumi daxili məhsulunun (ÜDM) təxminən 10 faizinə bərabərdir.
Analitiklər bildirirlər ki, hərbi xərclərin əhəmiyyətli hissəsi büdcənin digər maddələri altında gizlədilir. Bu vəsaitlər təkcə Ukraynaya qarşı aparılan müharibənin maliyyələşdirilməsinə deyil, eyni zamanda NATO sərhədləri boyunca hərbi infrastrukturun gücləndirilməsinə də sərf olunur.
Alman ekspertlərin qiymətləndirməsinə görə, artan hərbi xərclər artıq Rusiyada sosial xərclərin azaldılmasına və vergi yükünün artırılmasına səbəb olub. Bu isə ölkə daxilində sosial-iqtisadi təzyiqlərin güclənməsi ilə nəticələnir.
16:35 05.02.2026
Oxunuş sayı: 610
