Xarici xəbərlər

Qlobal bazarı silkələyəcək QƏRAR: ABŞ Venesuela ilə enerji razılaşmasına gedir

ABŞ administrasiyası Chevron şirkətinin Venesuelada neft əməliyyatlarını genişləndirməsinə imkan verən daha geniş lisenziyanın təsdiqlənməsi üçün sürətlə hərəkət edir.

Crossmedia.az xəbər verir ki, bu barədə ABŞ-nin enerji katibi Kris Rayt Reuters agentliyinə açıqlamasında bildirib.

Məlumata görə, plan çərçivəsində Chevron Venesuela hökumətinə neftlə deyil, nağd ödəniş edəcək. Bu mexanizm şirkətə ölkədə hasil etdiyi neftin tam həcmini birbaşa bazara çıxarmaq imkanı verəcək.

Analitiklərin fikrincə, sözügedən addım ABŞ–Venesuela münasibətlərində enerji sahəsində yeni mərhələnin başlanğıcı ola bilər və eyni zamanda qlobal neft bazarına təsir göstərə biləcək mühüm qərar kimi dəyərləndirilir. ABŞ administrasiyası isə bu yanaşmanın enerji təhlükəsizliyi və bazar sabitliyi baxımından əhəmiyyət daşıdığını vurğulayır.

Kübra Musayeva

🖨 Çap et

13:33 17.01.2026

Oxunuş sayı: 1610