Google və Apple-dan kiberizlənmə xəbərdarlığı
Google və Apple Turan bölgəsi ölkələrində istifadəçilərə qarşı kiberizlənmə cəhdlərini aşkar edib.
Google və Apple bir neçə ölkədə istifadəçilərə qarşı genişmiqyaslı kiberizlənmə cəhdlərini aşkarladıqlarını bildiriblər. Şirkətlər müxtəlif dövlətlərdə onlarla və ya yüzlərlə hesabın kommersiya casus proqramları tərəfindən hədəfə alındığını vurğulayır. Hadisə bölgədə rəqəmsal təhlükəsizliklə bağlı narahatlıqları daha da artırıb və beynəlxalq müstəvidə yeni araşdırmalar üçün zəmin yaradıb.
Crossmedia.az xarici mediaya istinadən xəbər verir ki, “Apple 2 dekabr tarixində istifadəçilərə bildirişlər göndərib, lakin detallar açıqlanmayıb — nə zərərçəkənlərin sayı, nə də ehtimal olunan təşkilatçılar barədə məlumat verilməyib. Şirkət yalnız kampaniyanın miqyasını vurğulayıb: bildirişlər “150-dən çox ölkəyə” göndərilib”.
Apple-ın açıqlamasından əvvəl, 3 dekabrda Google da oxşar xəbərdarlıq yayıb. Şirkət Intellexa adlı casus proqramının hədəfinə çevrilmiş istifadəçiləri məlumatlandırıb. Google-un sözlərinə görə, kampaniya Pakistan, Qazaxıstan, Anqola, Misir, Özbəkistan, Səudiyyə Ərəbistanı və Tacikistan da daxil olmaqla müxtəlif ölkələrdə “bir neçə yüz hesabı” əhatə edib.
Google əlavə edib ki, ABŞ sanksiyaları altında olan və kommersiya məqsədli casus proqramı hazırlayan Intellexa məhdudiyyətləri “faktiki olaraq dolanaraq fəaliyyətini davam etdirir”.
Bu cür xəbərdarlıqlar daha əvvəl də araşdırmalara səbəb olub — o cümlədən Aİ-də, burada yüksək vəzifəli rəsmilər də oxşar hücumlara məruz qalıb
Zeynəb Xuduyeva
11:24 11.12.2025
Oxunuş sayı: 1361
