Almaniya Ermənistan vətəndaşları üçün viza prosesini yeniləyir
Almaniya yaxın zamanda Ermənistan vətəndaşları üçün viza siyasətinə dəyişiklik etməyi planlaşdırır. Rəsmi açıqlamalara görə, Berlinin qəbul edəcəyi yeni qərarlar viza əldə etmək istəyən ermənilər üçün prosesi daha əlçatan və rahat edəcək. Bu yeniliklərin detalları Ermənistan rəhbərliyinə artıq təqdim olunub və yaxın müddətdə ictimaiyyətə açıqlanacağı gözlənilir
Crossmedia.az Ermənistan KİV-nə istinadən xəbər verir ki, “Ermənistanın baş naziri Nikol Paşinyan Hamburqda jurnalistlərlə görüşü zamanı Almaniyanın Ermənistan vətəndaşlarına viza verilməsi məsələsində yaxın vaxtlarda mühüm yeniliklərin olacağını bildirib. Baş nazir Almaniyanın Ermənistandakı səfirinin viza əldə edilməsi prosesində növbələrin tamamilə aradan qaldırılacağını açıqladığını vurğulayıb”.
Paşinyan qeyd edib ki, Berlinə səfərləri zamanı bu vacib məlumatı alıblar və gələn ildən etibarən Almaniya səfirliyində viza növbələrinin olmayacağı bildirilib. Baş nazir əlavə detallar paylaşmasa da, Ermənistan vətəndaşları üçün Aİ-yə giriş vizalarının sadələşdirilməsi məsələsinin gündəmdə olduğunu qeyd edib
Zeynəb Xuduyeva
11:10 11.12.2025
Oxunuş sayı: 1352
