Xarici xəbərlər

Rusiya Müdafiə Nazirliyi: Gecə ərzində 287 Ukrayna PUA-sı vurulub

Rusiya Müdafiə Nazirliyi bu gecə Ukraynanın genişmiqyaslı PUA hücumunun qarşısının alındığını açıqlayıb.

Bu barədə Crossmedia.az xarici mediaya istinadən xəbər verir.

Müxtəlif regionlar üzərində ümumilikdə 287 ədəd pilotsuz uçuş aparatı məhv edilib. Nazirlik həmin PUA-ların əksəriyyətinin “kamikadze, təyyarə tipli” olduğunu bildirir.

Açıqlamada xüsusilə Moskva istiqamətinin hədəfə alındığı qeyd olunur. Paytaxt və ətrafında təxminən 40 dron vurulub. Hücumlar səbəbilə Moskvanın əsas hava limanlarında uçuşlara məhdudiyyətlər tətbiq edilib, 200-dən çox aviareys ləğv edilib və ya təxirə salınıb.

Hadisə ilə bağlı dağıntılar, xəsarət alanların olub-olmaması barədə əlavə məlumat verilməyib. Müdafiə Nazirliyi hücumun qarşısının tam şəkildə alındığını iddia edir.

Mehriban İbrahimli

🖨 Çap et

11:00 11.12.2025

Oxunuş sayı: 1333