İrəvan öz iqtisadiyyatını Türkiyə ilə əməkdaşlıq üzərində qurmağı planlaşdırır- Sensasion açıqlama
Ermənistan iqtisadiyyat naziri Gevorg Papoyanın “münasibətlər normallaşarsa, Türkiyədən investisiyalara açığıq” mesajı regionda iqtisadi inteqrasiya və siyasi yaxınlaşma imkanlarını gündəmə gətirib. Bəyanat həm Ermənistanın Rusiya asılılığını azaltmaq cəhdləri, həm də Ankara-İrəvan xəttində mərhələli normallaşma perspektivləri kontekstində müzakirə olunur.
Papoyanın “münasibətlər normallaşarsa, Türkiyədən investisiyalara açığıq” mesajı Cənubi Qafqazda iqtisadi inteqrasiyanın yeni səhifəsini gündəmə gətirib. Bəyanat həm Ermənistanın Rusiya asılılığını azaltmaq cəhdlərinin davamı kimi oxunur, həm də Ankara-İrəvan xəttində mərhələli normallaşmaya ümidləri artırır.
Bu barədə politoloq Məhəmməd Əsədullazadə fikirlərini Crossmedia.az-a danışıb: "Türkiyə-Ermənistan əlaqələrinin normallaşması və sərhədlərin açılması, şübhəsiz, Ermənistan iqtisadiyyatına nəfəs verəcək və bu ölkənin Rusiyadan iqtisadi asılılığını azaltmağa yardım edəcək. Baş nazir Nikol Paşinyanın əsas strategiyası da məhz bundan ibarətdir: Rusiya ilə iqtisadi əlaqələri minimuma endirmək və Rusiyanın siyasi-iqtisadi təsirini neytrallaşdırmaq. Bu səbəbdən rəsmi İrəvanın verdiyi açıqlamalar eyni zamanda Türkiyəyə yönəlik mesajdır ki, Ermənistan normallaşma prosesinə sadiqdir və onun tez nəticələnməsində maraqlıdır.
Bununla yanaşı, İrəvan Türkiyə investorlarını ölkə iqtisadiyyatına sərmayə yatırmağa dəvət edir. Düşünürəm ki, bu istiqamətdə tərəflər arasında danışıqlar aparılır və yekun sülh müqaviləsi bağlandıqdan sonra proses sürətlə davam edəcək"
Politoloqun sözlərinə görə Ermənistan və Türkiyə arasında normallaşma prossesi Ermənistan–Azərbaycan arasında paralel normallaşmadan asılıdır irəliləyişdən asılıdır: "İrəvan öz iqtisadiyyatını Ankara ilə əməkdaşlıq üzərində qurmağı planlaşdırır"
Fidan Qarayeva
17:50 15.10.2025
Oxunuş sayı: 7579
