Avropa ilə Rusiya arasında müharibə başlayır?- ABŞ-nin "barmağı var"
İsveç və Finlandiya 4–5 minlik briqadayı Laplandiyaya yerləşdirib. Tərkibdə İsveç, Norveç və Danimarka hərbçiləri var. “Arçer” haubitsaları gətirilib, havadan qoruma Böyük Britaniya qırıcıları və “Apaçi” helikopterləri ilə təmin olunacaq. NATO artıq planı təsdiqləyib, təlimlər yaxınlarda başlanacaq. Bu, Avropa ilə Rusiya arasındakı gərginliyin növbəti təzahürüdür.
Bundan əvvəl Rusiya Polşa və Ruminiyanın hava məkanını pozmuşdu. Avropa və Rusiya arasında münsibətlərin gərginləşməsi istiqamətində növbəti addımın nə olacağı ilə maraq doğurur.
Bir çox analitikin fikrincə, ABŞ Avropa ilə Rusiya arasında münasibətlərin gərginəşməsində rol oynayır. Buna əsas kimi Vaşinqtonun hər iki tərəfdən gözləntilərinin olduğu amma həmin gözləntilərin yerinə yetirilmədiyi və Ağ Evin tərəfləri cəzalandırdığı bildirilir.
Politoloq, professor Əlimusa İbrahimov sözügedən iddia barədə fikirlərini Crossmedia.az-la bölüşüb: "ABŞ ilə Avropa İttifaqı (Aİ) arasında münasibətlər çox pisləşib. Buna nümunə olaraq Avropa ölkələrinin Fələstini tanımasını misal göstərə bilərik. Bu, ABŞ-nin əleyhinə olan addımdır. Tərəflər arasında əsas fikir ayrlıqları Rusiya- Ukrayna savaşı ilə bağlıdır. Aİ Ukraynanın silahla təchiz edilməsinə çalışır. ABŞ isə bu barədə Aİ-nin gözləntilərini yerinə yetirmir".
Müsahibimiz qeyd edib ki, ABŞ Aİ ilə Rusiya arasında münasibətlərin müəyyən mərhələyə qədər gərginləşməsində maraqlıdır: "Münasibətlərin müharibə səviyyəsinə qədər gərginləşməsi ABŞ-nin maraqlarına uyğundur. Ağ Ev gözləyir ki, Avropa Rusiya təhdidini hiss etdikcə ABŞ ilə daha çox yaxınlaşacaq. Hərçənd, hələ ki, bu, olmur. İndi əsas sual budur: Avropa ilə Rusiya arasında müharibə başlasa, ABŞ nə edəcək? Məncə, ABŞ bu ssenariyə hazır deyil. Ona görə də müharibə istəmir".
Kənan Novruzov
13:05 29.09.2025
Oxunuş sayı: 6761
